zitterdag 29 auhustus ’15: Eintjesand E1 – Wolfersdiek E1 0 - 3

HzandE1 WdijkE1 29082015

Nae een eeeeeele lange zeumerstop meuhe we vandaehe eindeluk wee voe het eerst ‘echt’ de weie in. Histernaevund weliswaer estart mie een vier-tehen-vier-toernooitje, mè ja mie aol die vaoders en moeders dr bie konne we dat noe nie echt serieus neme, wan dîvoe was de tehenstand van de ouwers veeeeeeeeee te povertjes!!!!!!
Netuurluk is Yordi wee dn aollereersen, en dat was vandaehe wè eel biezonder, anhezie ie soches eerst mee a motte elpe om z’n moeder uut bêdde te lichen, wan die kon nae de seizoensopenieng mè moeiluk mî bewehe. Mè ze weet noe in ieder wee wè oevee spieren a je hebruukt bie een pertijttje voebal!!!!
Nae nog wat hehannes - Siebe die a eel hraag saemen mie Femke in één hordel wil zitte wideur â die hordel wee nie hoed past – kunne we zô hoed as compleet vertrekke, vandaehe miss’n we alleen Nienke nog. Enigszins ‘zêêziek’ van aol de rotondes onderweg kwomme we uuteindeluk op Eintjesand an bie t voebalveld en dî bliekt da ze ‘t toch a wè n bitje in de broek doe. Toch wè n eel klein bitje logisch nae t bekersuc6 van t vorug seizoen (pas estrand in de 6e ronde) én omda leider Marthy sins 2008! a nie mî van ons ei kunne winne. En dus a 7 jaer lang ’s nachs in z’n slaep rehelmatug toeschouwers mie witte zaddoekjes zie zwaaie!
Vandaehe ok een officiële scheidsrechter, dus starte we ok mie een echte toss. Voe Eintjesand dé kans om as eersen an de bal te komm’n en Juul helieke a wat werk te bezurhen, mè dî straelt vanaf t behun rust en betrouwbaerheid vanaf. Bovendien binne z’n uuttrapp’n behoorluk scherp wîdeur a Yordi toet 3x toe â kansriek voe de kool van de tehenpertij kan komme. Bie z’n eerste twî schot’n stî z’n vizier nog in de vekansiemodus, mè bie dn derd’n mô de kieper a hestrekt nî d’n oek. De aldus veroverde corner lever niks op, sterker nog een raezendsnelle counter van Eintjesand dwieng zelfs de scheids toet een nieuw PR op de 80 meter. Helukkug mè wan dideur kan ie constatere da Juul de inzet presies op de lijn weet op te raepen. Hin doelpunt!!! Deurdâ Juul eel snel de bal wee uuttrapt richtieng Yordi, wor de scheids hedwonge om z’n PR binn’n een paer tell’n nohes an te scherpen. Mè wee hî’ t schot van Yrodi net over. En zô holft t spel op en neer, â bluuve de beste kansen voe ons. Tycho, Remco, Femke en Tristan vurmen een sterk blok achterin en rehelmatug stôme ze aolle viere mee op nî voren. In de 18e menute is ‘t Tycho die a eerst nî voren slalomt en de bal mie de presisie van ’n Zwitserse klokke op Yordi z’n lienkervoet leit, mè ok noe is de kool (nog steeds???) te laehe. En bie de hoeie acties van Siebe en Tim lig de kieper dr steeds hoed voe en weet voe Eintjesand de nul op t scorebord te ouwen. Mè volhes mien is t n kwestie van tied voedâ dn eersen vaolt. In de 21e menute weet Remco een bal te onderschepp’n en helieke deur te steken nî voren, op ‘t juuste moment de pass te heven op Yordi, zelf deur te lôpen in een pohieng de voorzet van Yordi binn’n te tikken. Helaas is z’n schoene een paer maetjes te kleine wideur â de bal net verbie de punt van z’n schoene vliegt. En ‘n menute laeter is’ t een verdeduher van Eintjesand die â de inzet van Remco van de lijn aelt!!! En flak voe rust lig wee de kieper in de weg op inzett’n van Siebe, Tristan en Yordi. Langs de kant behun ‘t hezicht van leider Marthy steeds meer te straelen. Zou ‘t vandaehe dan eindeluk toch????
In de rust mè ‘s hoed bedienke oe of we dan die bal dr dan toch in kunne kriehe.
‘Hewoon zô bluuve voeballe, meid en manne!’ Dan kom ‘t vast hoed! A we nae de ‘thee’ wee ‘t veld op lôpe vaol aneens ’t kwartje: Opa Chris!!!!!! Wirom stoeng die dan ok in dn eersen elt achter onze kool??? ‘Mè niks ierover tehen Marthy zehhe!’
Om klokslag 10.05 trappe we af en helieke hae we vol in d’n aanval en jâ ô,’ t klopt presies. In de 27e menute zet Yordi voor in de richtieng van z’n opa. De kieper weet in eerste instansie de bal te keren, mè dan is Tim d’r as de kippen bie om de 0 – 1 binn’n te tikk’n!. ‘Bal afpakke en aolle voorzetten op opa Chris!’ Oe simpel kunne aanwijziengen toch weze ee!’ Zôdoende mag Eintjesand voe de 2e keer aftrappe, mè wee zitte we d’r helieke vol bovenop en weet Femke de bal te onderscheppen en helieke Tycho netjes an te spelen, winae â die helieke de bal in de lôôp van Siebe meeheeft. Zien voorzet kom keurug bie Yordi terecht, die â ‘m direct scherp voorleit. Mè wederom zit de kieper d’r tussen, de rebound voe Tim, mè wee lig de kieper d’r voor. Eintjesand probeert d’r uut te kommen, mè in de 31e menute is  ‘t Tristan die â de bal wee onderschept en an een solootje richtieng doel behunt. Helaas voe Tristan stî ‘t doel nie elemille op de juuste plekke, zôda z’n inzet op de paele belandt. De terugspriengende bal zet ons even op ‘t verkeerde bêên en Eintjesand countert d’r lustug op los,  mie as besluut een drôhe knal. Mè wat ‘n katachtuhe reddieng van Remco. Ok de volhende twî aanvallen weet Remco klemvast onschaedeluk te maeken en …………………………………… mie een presiese uuttrap Yordi op lienks wig te stieren. Tja, noe is ‘t voe ‘m wè een makje en zô is t in de 43e menute 0 – 2. Vol hoeie moed trapt Eintjesand nog mè ‘s af, mè wee is de bal helieke voe ons en weet Tristan Yordi an te spelen en zien afhemete voorzet wor keurug deur Tim over de kieper elobt: 0 – 3 in de 44e menute.
Zô zachjes an is ‘t welletjes en plooie we wat trug. Dat kan ok makkeluk wan Tycho, Femke, Tristan en Juul ouwe de boel achterin dicht en â dr â ‘s een balletje deurene hlipt ebbe we aoltied Remco nog.
Na 50 menuten blaest de scheids af en ebbe wederom een klein stapje ezet op weg nî …………………

Cupmetdegroteoren

 

 

 

 

mè vorlôpug kunne we d’r nog alleen mè van drôme! Nog een rondje of tiene en dan …………………………………………????????????????????? A opa Chris mee bluuf hae, wie weet lukt ‘t dan wè om ‘m vast te meuhe ouwen.